Luulajan Kulttuurikoulu

Saattaakos pelata flöittiä keskelä Storgatania eli tansata mettässä? Saattaakos pelata yhtä färiä eli maalata laulun? Eli saa rakentaa digitaalisen 3D-kampheen ja tehhä mysiikkiä ja saa sen tansaamhaan? Eli tehhä filmin omasta elämästä, träänata bukstaavia noijan kans eli selvittää chifferiä karhuun kans?

Joo, sen saattaa!

Juuri sellaista met Kulttuurikoulussa tehemä joka päivä. Meän toiminta sisältää paljon eri osia, mutta yhteistä on ette met olema töissä lapsitten ja nuoritten kans, halula, ilola, fanttasiila ja uteliaisuuvela.

Met tiämä ette on tärkeä ette toiminta koskettaa ja tuntea halua hommata sen kans mitä tekkee. Sillon meän oppiminen toimii parhaiten, ja se vahvistaa kans meän fyysistä, psyykkistä ja eksistensin terhveyttä. Se on kans tärkeä ette lapset ja nuoret saavat löytää oman tavan kertoa, ilmhaista itteä, ette sillä tavala saattavat tuntea olevansa merkilisiä ja kasvaa ihmisenä.

Lyhyjä tietoja

• Met toimitama kompposisjuunin, kuvan, tansin, meetian, draaman ja eri instrymentin kursia. Vanhempi eli täysikänen opiskelija saattaa ilmottautua meän kurshiin tämän sivun kautta: Ilmota ittesti! (ruottiksi)
• Met olema esteettisen pätevyyven resyrsikeskus Luulajan kouluile. Met toimima kunnan kouluissa yhteistyössä koulun henkilökunnan kans lyhyissä ja pitkissä projektissa.
• Met toimitama pätevyyskehitystä Luulajan kouluhenkilökunnale.
• Met ostama sjeenitaijetta Luulajan oppilhaile, ja koordineeraama Luovaa Kouluprojektia (Skapande Skolaparojekt)
• Kaikki meän toiminta on ilmhaista!

Luulajan Kunta satsaa Lasten Kulttuurhiin!